Los talhièrs
Los Talhièrs de l’Energia e del Temps tractan de subjèctes del quotidian jos la perspectiva de doas tematicas fondamentalas e interconnectadas : los enjòcs energetics e lo rapòrt al temps.
Pòdon èsser mobils dins la limita de nòstras capacitats de desplaçament a velò solar.
Participatius e instructius, valorizan l’aspècte experimentacion pels participants : descobrissètz nòstres jòcs pedagogics, nòstras sessions immersivas a l’entorn d’un film o nòstras formacions tecnicas… sus de subjèctes tan variats coma la mobilitat, l’abitat, la produccion e la consomacion d’electricitat, lo cambiament climatic, las transicions, l’eco-construccion, etc.
Consultatz nòstre catalòg çai-jos e demandatz vòstre talhièr demest aquestes disponibles o contactatz-nos per ne crear un a faiçon !
Descobrissètz nòstre catalòg
Ton velò en recup’ ?
Jòc pedagogic
Talhièr de soscadissa sus la recuperacion a comptar d’un jòc en grand per reconstituir nòstre tandèm solar.
Nombre de participants : 10-40
Durada : 1h30
Nòstras activitats sens degalh
Formacion
E se tornàvem pensar nòstre biais de getar ?
Una formacion de 3 jorns co-creada amb d’autres actors del collectiu EnJòcs Duradís 47 per :
- Compréner los enjòcs a l’entorn del degalh
- Vos posicionar e èsser acompanhat per realizar çò que desiratz per vòstra organizacion
- Dintrar amb un supòrt pedagogic fargat amassa, e l’accès a de contengut evolutiu en linha
Nombre de participants : segon capacitat d’acuèlh e d’enquadrament del luòc
Durada : 3 jorns
Apréner a concebre e a bastir son ostalet ecologic
Formacion tecnica
Eco-construccion complèta d’un abitat autonòm leugièr (del tipe Tiny House) coma supòrt de formacion e d’animacion sus la tematica de l’abitat.
Fornissèm un supòrt d’aprendissatge e mai un espaci de partatge de coneissença jos divèrses formats, trantalhetz pas de nos contactar !
Nombre de participants : segon la capacitat d’acuèlh e d’enquadrament del luòc
Durada : de definir
Avètz dit transicion ?
Jòc pedagogic
Talhièrs sus la transicion energetica a travèrs la tematica “Mobilitat” per explorar cossí far transicion e cossí se desplaçar dins lo futur.
Nombre de participants : 5-30
Durada : 1 a 2h
Mobilitat(s) ?
Jòc pedagogic
Jòc per questionnar amassa nòstras causidas de mejans de transpòrt e nòstre rapòrt a la mobilitat.
Aqueste esplech pòt tant èsser integrat a un talhièr coma prepausat sus una banca.
Nombre de participants : 3-13
Durada : 10 mn a 1 ora
Compréner lo velò solar
Esplech pedagogic
Descoberta del tandèm solar bastit per nautres e de nòstre mòde d’accion : experimentar l’autonomia energetica.
Nombre de participants : 5-30
Durada : 1 a 2h
Apréner a electrificar son velò
Formacion tecnica
Talhièr practic d’electrificacion d’un velò (+possibilitat d’un acompanhament individual dins aquel encastre).
Nombre de participants : 5-30
Durada : 2h30
Los mecanismes de la moneda, pas a pas
Formacion
Aprene las basas de l’economia, cicle de 6 a 8 talhièrs collectius per s’entrajudar a compréner collectivament cossí fonciona la moneda, aquesta aisina de cada jorn.
E se la coneissença economica veniá quicòm de gaujós ? Aquestes encontres nos permeton de compréner los fondamentals de çò que nos dirigís a l’ora d’ara e benlèu de los poder tornar inventar.
Nombre de participants : segon capacitat d’acuèlh e d’enquadrament del luòc
Durada : 6 a 8 talhièrs de 1h30
Quina moneda d’escambis ?
Jòc pedagogic
Talhièr per questionnar nòstra moneda d’escambi e nòtre engatjament amb un jòc en grand.
Nombre de participants : 15-40
Durada : 2h
Escambi d’energias
Projècte collaboratiu
Collaboracions entre nòstras activitats e vòstres projèctes/idèas sus tematicas divèrsas a bastir amassa. Ex : correspondéncia amb de classas, revirada de nòstres articles en occitan, acompanhament de projèctes estudiants, etc.
Nombre de participants : 5-15
Durada : 1h30
Mission ODD : la planeta en alèrta !
Jòc pedagogic
Talhièr suls Objectius de Desvolopament Duradís jos la forma d’un jòc d’enigmas.
Ligam cap al site de Compréner per Agir
Nombre de participants : 15-30
Durada : 1 a 2h
Lo PCAET en accions !
Jòc pedagogic
Talhièr de presentacion e de soscadissa a l’entorn de las accions del Plan Climat Energia Territorial (PCAET).
Nombre de participants : 10-40
Durada : 2 a 3h
La Fresca del Climat
Jòc pedagogic
Talhièr La Fresca del Climat sul fonccionament del climat e las consequéncias de son desrèglament.
Ligam cap al site de la Fresca del Climat
Nombre de participants : 5-30
Durada : 2 a 3h
L’ora de res
Experiéncia pedagogica
A qué despensi mas minutas ?
Ocupam nòstre temps a… e passam lo temps! Préner consciéncia d’aquesta corsa a l’ocupacion que s’impausa coma una nòrma, de l’estigmatizacion de “pas res far” mas de que vòl dire, res far ?
Los especialistas de la creativitat ne parlan plan, aquesta ora de res poiriá plan èsser l’ora de tot…
Nombre de participants : 20-30
Durada : 1h
Lo sabotaire electric
Jòc pedagogic
Talhièr sul fonccionament en ret e la (de)centralizacion de la produccion d’electricitat amb lo jòc del Sabotaire electric.
Nombre de participants : 5-25
Durada : 1h30 – 2h
Electri’ciutat : mesa en tension de tota la cadena
Jòc pedagogic
Talhièr per compréner los enjòcs de tota la cadena d’electricitat : las sorsas de produccion d’electricitat, son encaminament e sa consomacion.
Nombre de participants : 20-30
Durada : 1h30 – 2h
Apréner a cargar una batariá al solar
Formacion tecnica
Talhièr tecnic sul solar : apréner a realizar un dimensionament adaptat a l’usatge e cossí botar en plaça lo sistèma.
Nombre de participants : 5-30
Durada : 1h30
Made In
Jòc pedagogic
Sètz d’ara endavant engatjats per fabricar le novèl PomPomphone, signatz vòstre contracte e es lançat !
Aqueste talhièr permet de descobrir los compausants d’un smartfòn e los enjòcs associats (provenença, condicions de trabalh, consomacion energetica, etc.). S’i apond lo desmontatge d’un smartfòn per ne descobrir l’interior e las possibilitats de l’adobar e mai de prepausicions alternativas (Fairphone, OS open source).
Una particularitat : creacion collectiva co-bastida amb de liceans, acompanhats per d’associacions dins l’encastre del projècte #laspiraledusmartphone.
Bònus : un talhièr « De clics cap a mai de sobrietat » per acabar la sesilha.
Nombre de participants : 15-20
Durada : 1h
Laberint de las aplicacions
Jòc pedagogic, Escape Game
Dintrats dins un smartfòn gigant per piratar vòstras aplicacions preferidas e temptatz de sortir d’aqueste laberint en grand sens daissar de traça.
Aqueste talhièr questiona nòstre usatge del smartfòn dins la vida vidanta e nòstra compreneson del foncionament de las aplicacions. Una particularitat : creacion collectiva co-bastida amb de collegians e de liceans, acompanhats per d’associacions dins l’encastre del projècte #laspiraledusmartphone.
Bònus : un talhièr « De clics cap a mai de sobrietat » per acabar la sesilha.
Nombre de participants : 10-15
Durada : 1h
Apréner en creant un esplech pedagogic
Jòc pedagogic
Acompanhament a la creacion d’un espelech de transmission del saber.
Ex : acompanhar una classa a crear un jòc de pista sus una tematica causida a destinacion de tot l’establiment, una associacion a crear un escape game a destinacion del grand public, un grop de salariats a crear un tablèu interactiu a destinacion de totes los salariats de l’entrepresa, etc.
Nombre de participants : segon lo projècte
Durada : segon lo projècte
Cine-escambis
Cine-escambis
Animacion d’escambis a l’entorn del visionatge d’un film d’interès, adaptada segon lo film e lo public.
Nombre de participants : segon la sala mesa a disposicion
Durada : 2h30 – 3h, segon lo film
Talhièrs per questionar
e acompanhar l’evolucion de nòstres
biaisses de viure. Al mitan d’enjòcs
actuals, avèm causit de portar
nòstra agacha sus 2 tematicas essencialas
interconnectadas : los enjòcs energetics
e nòstre rapòrt al temps.
Nòstres talhièrs
e eveniments que venon !
Demorem en contacte,
rejonhètz nòstre malhum !
Los Talhièrs de l’Energia e del Temps ©2019
Mencions Legalas